Tuesday, 25 November 2014

மழை இரவு

பிறிதொரு மழை இரவின்
கனம் பற்றிய பயம்;
ஒழுகாத இடமில்லை
எனும் போதும் 
நப்பாசையுடன்
அண்ணாந்து
கூரையின்
நனையாத இடமொன்றுக்காக
ஏங்கிடும் பார்வை;




ஓட்டைச் சல்லடை என
வெட்கமின்றி வானம் காட்டிடும் கூரை....
அதனூடே --
ஈரச் சிறகுகளின் பாரம் நொந்தபடி
அலறி அலையும்
அகாலப் பறவையொன்று....

சாக்குப் போர்த்தி
ஒண்டிக் கிடக்கும் பிள்ளைகளைப் போல --
அதன் கூட்டிலும் இருக்கக் கூடும்
நிராதரவின் மற்றொரு குழந்தை!

நன்றி: கூகுள் படங்கள். 

No comments:

Post a Comment